6 лютага, Мінск /Кар. БЕЛТА/. Міністэрства культуры праводзіць фінал нацыянальнага адбору да конкурсаў XXXIV Міжнароднага фестывалю мастацтваў "Славянскі базар у Віцебску". Аб гэтым
паведамілі БЕЛТА ў прэс-службе Міністэрства.
Фінал нацыянальнага адбору да міжнароднага конкурсу выканаўцаў эстраднай песні "Віцебск-2025" і міжнароднага дзіцячага музычнага конкурсу "Віцебск-2025" пройдзе 15 сакавіка ў культурнай сталіцы Беларусі 2025 года - горадзе Іванава на базе Іванаўскага раённага Цэнтра культуры і народных традыцый.
"14 сакавіка плануецца заезд удзельнікаў у Іванава і папярэднія рэпетыцыі, 15 сакавіка ў 12.00 - канцэрт-праслухоўванне ўдзельнікаў нацыянальнага адбору да дзіцячага музычнага конкурсу і ў 17.00 - канцэрт-праслухоўванне ўдзельнікаў да конкурсу выканаўцаў эстраднай песні з удзелам папулярных артыстаў эстрады", - расказалі арганізатары.
Змагацца за права прадставіць Беларусь на знакамітым форуме будуць два дзясяткі фіналістаў, якія прайшлі папярэднія адборы. Прамая трансляцыя мерапрыемстваў будзе арганізавана Белтэлерадыёкампаніяй.-0-