21 студзеня, Брэст /Кар. БЕЛТА/. Хачу, каб Беларусь была моцнай як эканамічна, так і ў ваенных адносінах. Такое меркаванне выказаў ветэран Вялікай Айчыннай вайны Анатоль Феафанаў, прыйшоўшы на выбарчы ўчастак у першы дзень датэрміновага галасавання на выбарах Прэзідэнта Рэспублікі Беларусь, перадае карэспандэнт БЕЛТА.
Анатоль Феафанаў нарадзіўся ў 1926 годзе. На свой выбарчы ўчастак у Брэсцкім дзяржаўным гандлёва-тэхналагічным каледжы ветэран прыйшоў у ліку першых. Ён падкрэсліў, што галасуе за з'яднанасць беларускага народа і моцную Беларусь. "Колькі выбараў было, я ніколі дадому не запрашаў. Толькі на ўчастку галасую - гэта мой абавязак, мой абавязак як чалавека, грамадзяніна сваёй дзяржавы. Я хачу, каб Беларусь была моцнай як эканамічна, так і ў ваенных адносінах, - сказаў Анатоль Феафанаў. - У Беларусі народ вельмі добры. Моладзь тут добрая, заўсёды ўсхваляе сваю краіну".
Для ветэрана Вялікай Айчыннай вайны сімвалічна, што будучыню сваёй краіны беларусы вызначаюць у год 80-годдзя Вялікай Перамогі. "Вы ведаеце, у кожнага чалавека ёсць свой розум. Калі ён жыве ў гэтай краіне, павінен быць патрыётам гэтай краіны і змагацца за тое, каб яна была заўсёды моцнай, магутнай, каб радасна і прыемна было жыць. Мне, напрыклад, тут вельмі падабаецца", - падкрэсліў Анатоль Пятровіч.
У цэлым на выбарчым участку нумар 2 Ленінскага раёна Брэста зарэгістраваны 2251 выбаршчык. "На нашым участку дастаткова пажылых людзей, але яны ўсе вельмі актыўныя. Нехта папярэдне прыходзіць, нехта ў асноўны дзень галасавання. Людзі, якія не могуць прыйсці на ўчастак, нам тэлефануюць. Мы да іх 26 студзеня паедзем. З 11 да 18 гадзін прымаем заяўкі выбаршчыкаў. На ўчастак патэлефанавалі ўжо чалавек 12, каб мы ў асноўны дзень галасавання прыехалі да іх дадому. Упершыню галасуючых - 105 чалавек. Такая вялікая колькасць звязана з тым, што ў нас на ўчастку галасуюць пагранічнікі мясцовай воінскай часці", - расказала старшыня ўчастковай выбарчай камісіі Валянціна Грабянюк.
Усяго ў Брэсцкай вобласці створаны 861 выбарчы ўчастак. У дні датэрміновага галасавання будуць працаваць 832. Астатнія адкрыюцца непасрэдна 26 студзеня. Яны ўтвораны ў лячэбных установах (бальніцах, прафілакторыях, санаторыях). У рэгіёне створаны тры новыя ўчасткі для галасавання ў мікрараёнах, якія будуюцца. Адзін з іх знаходзіцца ў Баранавічах у будынку Лядовага палаца, яшчэ два адкрыты для выбаршчыкаў у Маскоўскім раёне Брэста.
У паўднёва-заходнім рэгіёне зарэгістраваны 999 135 выбаршчыкаў. Упершыню прыняць удзел у выбарах змогуць больш за 14 тыс. чалавек. Гэты момант для іх арганізатары пастараюцца зрабіць запамінальным - уручаць кнігу "Сімвалы суверэннай Беларусі". Ва ўсіх гарадах і раёнах падрыхтаваны і іншыя сувеніры на памяць аб удзеле ў выбарах Прэзідэнта.
"У час падрыхтоўкі ўчасткаў для галасавання перш за ўсё звярталі ўвагу на забеспячэнне бяспекі. Усе гэтыя пытанні вырашаны, праведзены адпаведныя маніторынгі, абследаванні ўчасткаў для галасавання. Яны ўкамплектаваны, абсталяваны ўсім неабходным, аснашчаны сістэмамі відэанагляду", - адзначыў старшыня Брэсцкай абласной выбарчай камісіі Аляксандр Каляда.
На ўчастках для галасавання створаны ўмовы для безбар'ернага асяроддзя. Калі спатрэбіцца дапамога, яе фізічна аслабленым грамадзянам акажуць валанцёры. Пры жаданні выбаршчыкі могуць прагаласаваць дома. "Механізм просты: грамадзянін асабіста можа звярнуцца, або з дапамогай родных або знаёмых. Тлумачыць, чаму ён не зможа сам прыйсці на ўчастак для галасавання, няма неабходнасці. Члены ўчастковай камісіі прыйдуць да яго дадому. Але такая магчымасць ёсць толькі ў асноўны дзень галасавання. Адпаведныя скрыні для галасавання дома ёсць на кожным участку", - падкрэсліў Аляксандр Каляда.
У Брэсцкай вобласці акрэдытаваны больш за 5 тыс. нацыянальных наглядальнікаў за выбарамі Прэзідэнта Рэспублікі Беларусь.-0-
Анатоль Феафанаў нарадзіўся ў 1926 годзе. На свой выбарчы ўчастак у Брэсцкім дзяржаўным гандлёва-тэхналагічным каледжы ветэран прыйшоў у ліку першых. Ён падкрэсліў, што галасуе за з'яднанасць беларускага народа і моцную Беларусь. "Колькі выбараў было, я ніколі дадому не запрашаў. Толькі на ўчастку галасую - гэта мой абавязак, мой абавязак як чалавека, грамадзяніна сваёй дзяржавы. Я хачу, каб Беларусь была моцнай як эканамічна, так і ў ваенных адносінах, - сказаў Анатоль Феафанаў. - У Беларусі народ вельмі добры. Моладзь тут добрая, заўсёды ўсхваляе сваю краіну".
Для ветэрана Вялікай Айчыннай вайны сімвалічна, што будучыню сваёй краіны беларусы вызначаюць у год 80-годдзя Вялікай Перамогі. "Вы ведаеце, у кожнага чалавека ёсць свой розум. Калі ён жыве ў гэтай краіне, павінен быць патрыётам гэтай краіны і змагацца за тое, каб яна была заўсёды моцнай, магутнай, каб радасна і прыемна было жыць. Мне, напрыклад, тут вельмі падабаецца", - падкрэсліў Анатоль Пятровіч.
У цэлым на выбарчым участку нумар 2 Ленінскага раёна Брэста зарэгістраваны 2251 выбаршчык. "На нашым участку дастаткова пажылых людзей, але яны ўсе вельмі актыўныя. Нехта папярэдне прыходзіць, нехта ў асноўны дзень галасавання. Людзі, якія не могуць прыйсці на ўчастак, нам тэлефануюць. Мы да іх 26 студзеня паедзем. З 11 да 18 гадзін прымаем заяўкі выбаршчыкаў. На ўчастак патэлефанавалі ўжо чалавек 12, каб мы ў асноўны дзень галасавання прыехалі да іх дадому. Упершыню галасуючых - 105 чалавек. Такая вялікая колькасць звязана з тым, што ў нас на ўчастку галасуюць пагранічнікі мясцовай воінскай часці", - расказала старшыня ўчастковай выбарчай камісіі Валянціна Грабянюк.
Усяго ў Брэсцкай вобласці створаны 861 выбарчы ўчастак. У дні датэрміновага галасавання будуць працаваць 832. Астатнія адкрыюцца непасрэдна 26 студзеня. Яны ўтвораны ў лячэбных установах (бальніцах, прафілакторыях, санаторыях). У рэгіёне створаны тры новыя ўчасткі для галасавання ў мікрараёнах, якія будуюцца. Адзін з іх знаходзіцца ў Баранавічах у будынку Лядовага палаца, яшчэ два адкрыты для выбаршчыкаў у Маскоўскім раёне Брэста.
У паўднёва-заходнім рэгіёне зарэгістраваны 999 135 выбаршчыкаў. Упершыню прыняць удзел у выбарах змогуць больш за 14 тыс. чалавек. Гэты момант для іх арганізатары пастараюцца зрабіць запамінальным - уручаць кнігу "Сімвалы суверэннай Беларусі". Ва ўсіх гарадах і раёнах падрыхтаваны і іншыя сувеніры на памяць аб удзеле ў выбарах Прэзідэнта.
"У час падрыхтоўкі ўчасткаў для галасавання перш за ўсё звярталі ўвагу на забеспячэнне бяспекі. Усе гэтыя пытанні вырашаны, праведзены адпаведныя маніторынгі, абследаванні ўчасткаў для галасавання. Яны ўкамплектаваны, абсталяваны ўсім неабходным, аснашчаны сістэмамі відэанагляду", - адзначыў старшыня Брэсцкай абласной выбарчай камісіі Аляксандр Каляда.
На ўчастках для галасавання створаны ўмовы для безбар'ернага асяроддзя. Калі спатрэбіцца дапамога, яе фізічна аслабленым грамадзянам акажуць валанцёры. Пры жаданні выбаршчыкі могуць прагаласаваць дома. "Механізм просты: грамадзянін асабіста можа звярнуцца, або з дапамогай родных або знаёмых. Тлумачыць, чаму ён не зможа сам прыйсці на ўчастак для галасавання, няма неабходнасці. Члены ўчастковай камісіі прыйдуць да яго дадому. Але такая магчымасць ёсць толькі ў асноўны дзень галасавання. Адпаведныя скрыні для галасавання дома ёсць на кожным участку", - падкрэсліў Аляксандр Каляда.
У Брэсцкай вобласці акрэдытаваны больш за 5 тыс. нацыянальных наглядальнікаў за выбарамі Прэзідэнта Рэспублікі Беларусь.-0-
