10 лютага, Брэст /Кар. БЕЛТА/. Брэсцкі абласны краязнаўчы музей падрыхтаваў фотадакументальную выстаўку "Вайна. Перамога. Памяць. Брэстчына ў гады Вялікай Айчыннай вайны". Аб гэтым паведаміў карэспандэнту БЕЛТА дырэктар установы культуры Аляксей Міцюкоў.
Брэсцкія музейшчыкі падрыхтавалі выстаўку ў канцы мінулага года. Яна прадстаўлена на 18 планшэтах, якія могуць мяняць канфігурацыю. "Адлюстраваны тэмы ў храналагічным парадку, якія расказваюць аб ходзе вайны з упорам на наш рэгіён. Гэта пачатковы перыяд вайны, акупацыя, партызанскі рух, падполле, тэма генацыду, удзельнікі ключавых бітваў, брастаўчане - удзельнікі Берлінскай наступальнай аперацыі, штурм Рэйхстага і захаванне памяці аб Вялікай Айчыннай вайне. Гэта выстаўка плануецца як выязная. Яна можа выкарыстоўвацца як на базе музея, так і іншых устаноў, у тым ліку ў міжнародным супрацоўніцтве", - расказаў Аляксей Міцюкоў. Ёсць ідэя прадставіць выстаўку ў сакавіку на Мінскай міжнароднай кніжнай выстаўцы-кірмашы.
Брастаўчане зрабілі і анлайн-версію гэтай экспазіцыі. Такім чынам, яе могуць убачыць за мяжой. У прыватнасці, дамоўленасці на экспанаванне дасягнуты з Іркуцкім абласным краязнаўчым музеем імя М.М.Мураўёва-Амурскага. Таксама ёсць планы абмяняцца выстаўкай з Амурскім абласным краязнаўчым музеем імя Р.С.Новікава-Даурскага, Пензенскім дзяржаўным краязнаўчым музеем, Варонежскім абласным краязнаўчым музеем, Магаданскім абласным краязнаўчым музеем.
"Брэстчына - знакавы рэгіён Беларусі ў гісторыі Вялікай Айчыннай вайны, у агульнай гісторыі братэрскіх народаў. У Брэсце пачыналася вайна. Па сутнасці, у Брэсце завяршылася вызваленне тэрыторыі Савецкага Саюза. Расійскія музеі з задавальненнем адгукаюцца на нашу прапанову, самі выходзяць з ініцыятывай, каб прыняць выстаўку "Вайна. Перамога. Памяць. Брэстчына ў гады Вялікай Айчыннай вайны", - звярнуў увагу дырэктар Брэсцкага абласнога краязнаўчага музея.
Гэта не адзіны праект да юбілею Перамогі, у якім удзельнічаюць брастаўчане. Яны ўнясуць свой уклад у стварэнне некалькіх выставак рэспубліканскага маштабу. Падбіраюцца пранізлівыя, унікальныя экспанаты ў гісторыі вайны, у гісторыі рэгіёна. Напрыклад, сярод такіх кашуля выхавальніцы Дамачаўскага дзіцячага дома Паліны Грахольскай, якую разам з дзецьмі гітлераўцы расстралялі ў верасні 1942 года.
"Да нас прыедзе выстаўка з Санкт-Пецярбурга (з музея "Ісаакіеўскі сабор") "Малюнкі блакаднага Ленінграда". Яна будзе экспанавацца ў красавіку ў музеі выратаваных мастацкіх каштоўнасцей. У прынцыпе, на працягу ўсяго юбілейнага года гэта тэма будзе галоўнай. Ва ўсіх ключавых мерапрыемствах, як абласных, так і рэспубліканскіх, наш музей задзейнічаны", - падагульніў Аляксей Міцюкоў.-0-
Брэсцкія музейшчыкі падрыхтавалі выстаўку ў канцы мінулага года. Яна прадстаўлена на 18 планшэтах, якія могуць мяняць канфігурацыю. "Адлюстраваны тэмы ў храналагічным парадку, якія расказваюць аб ходзе вайны з упорам на наш рэгіён. Гэта пачатковы перыяд вайны, акупацыя, партызанскі рух, падполле, тэма генацыду, удзельнікі ключавых бітваў, брастаўчане - удзельнікі Берлінскай наступальнай аперацыі, штурм Рэйхстага і захаванне памяці аб Вялікай Айчыннай вайне. Гэта выстаўка плануецца як выязная. Яна можа выкарыстоўвацца як на базе музея, так і іншых устаноў, у тым ліку ў міжнародным супрацоўніцтве", - расказаў Аляксей Міцюкоў. Ёсць ідэя прадставіць выстаўку ў сакавіку на Мінскай міжнароднай кніжнай выстаўцы-кірмашы.
Брастаўчане зрабілі і анлайн-версію гэтай экспазіцыі. Такім чынам, яе могуць убачыць за мяжой. У прыватнасці, дамоўленасці на экспанаванне дасягнуты з Іркуцкім абласным краязнаўчым музеем імя М.М.Мураўёва-Амурскага. Таксама ёсць планы абмяняцца выстаўкай з Амурскім абласным краязнаўчым музеем імя Р.С.Новікава-Даурскага, Пензенскім дзяржаўным краязнаўчым музеем, Варонежскім абласным краязнаўчым музеем, Магаданскім абласным краязнаўчым музеем.
"Брэстчына - знакавы рэгіён Беларусі ў гісторыі Вялікай Айчыннай вайны, у агульнай гісторыі братэрскіх народаў. У Брэсце пачыналася вайна. Па сутнасці, у Брэсце завяршылася вызваленне тэрыторыі Савецкага Саюза. Расійскія музеі з задавальненнем адгукаюцца на нашу прапанову, самі выходзяць з ініцыятывай, каб прыняць выстаўку "Вайна. Перамога. Памяць. Брэстчына ў гады Вялікай Айчыннай вайны", - звярнуў увагу дырэктар Брэсцкага абласнога краязнаўчага музея.
Гэта не адзіны праект да юбілею Перамогі, у якім удзельнічаюць брастаўчане. Яны ўнясуць свой уклад у стварэнне некалькіх выставак рэспубліканскага маштабу. Падбіраюцца пранізлівыя, унікальныя экспанаты ў гісторыі вайны, у гісторыі рэгіёна. Напрыклад, сярод такіх кашуля выхавальніцы Дамачаўскага дзіцячага дома Паліны Грахольскай, якую разам з дзецьмі гітлераўцы расстралялі ў верасні 1942 года.
"Да нас прыедзе выстаўка з Санкт-Пецярбурга (з музея "Ісаакіеўскі сабор") "Малюнкі блакаднага Ленінграда". Яна будзе экспанавацца ў красавіку ў музеі выратаваных мастацкіх каштоўнасцей. У прынцыпе, на працягу ўсяго юбілейнага года гэта тэма будзе галоўнай. Ва ўсіх ключавых мерапрыемствах, як абласных, так і рэспубліканскіх, наш музей задзейнічаны", - падагульніў Аляксей Міцюкоў.-0-
