На базе раённага Цэнтра рамёстваў сёння прайшоў семінар-практыкум: «Захаванне этнаграфічнага матэрыялу праз стварэнне куткоў, (пакояў, музеяў) этнаграфіі» для супрацоўнікаў устаноў культуры Баранавіцкага раёна.
Семінар ладзіўся у працяг цыкла мерапрыемстваў, прысвечаных Году гістарычнай памяці. Супрацоўнікі ўстаноў культуры з усіх куткоў раёна з цікавасцю паслухалі даклады па пытаннях арганізацыі даследчай дзейнасці, даведаліся, як ладзяцца этнаграфічныя экспедыцыі, як захоўваюцца і інвентарызуюцца экспанаты.
Практычная частка для ўдзельнікаў мерапрыемства дала магчымасць папрацаваць з экспанатамі, знойдзенымі ў час экспедыцый. Завяршылася работа семінара цікавай экскурсіяй па экспазіцыйных залах.
Падрабязнасці: https://nashkraj.by/news/kultura/vopytam-zboru-i-zakhavannya-etnagrafichnaga-materyyalu-padzyalilisya-baranavitskim-rayene/
